كون نموت وياك | #مدين_العياشي | تره العيد للعزاز #2026

5:40 تره العيد للعزاز يلم كل الاهل
0:00 الله يساعدني اعله فرگاك بويه
1:09 للعيون شحطن اذا رادن علي
3:32 اجه الليل والفراك امچانك يالحنين اليوم فارغ
5:40 تره العيد للعزاز يلم كل الاهل
6:34 بوية بوية + نعي _ راح الابو والعيد اجانه
7:53 تخنكني يا صبحية العيد
9:02 سلامات يگلبي راح الجان عايش
11:26 دللول . يمفلش الروح اعليك تفليش

🔘أداءالرادود :-#مدين_العياشي
🔘كلمات الشاعر :- علي مالك
🔘المكان _العراق _ النجف الاشرف

🔘مجلس عزاء هيئة الزهراء للعزاء المركزي

ندعوكم للانضمام إلى قناتنا الرسمية، حيث نبذل قصارى جهدنا لإنتاج محتوى قيم ومؤثر يليق بكم. نقدر دعمكم المستمر ووقوفكم إلى جانبنا، ونعدكم بأن نواصل تقديم محتوى استثنائي يستحق المشاهدة والتفاعل. شكرًا لكل من يسهم في رحلتنا.

الحسابات الرسمية لخادم الامام الرضا (ع) مدين العياشي

- YouTube: https://www.youtube.com/@madyanalayashi
- Facebook: https://www.facebook.com/100063816665592
- Instagram: https://instagram.com/madyan_al_eyashy
- TikTok: https://www.tiktok.com/@madyan_ayachi
- Telegram: https://t.me/madyan313

الله يساعدني عله فرگاك    بويه
العدله كون نموت وياك      بويه
اه ياعلي هاي الثجيله
والليله ابد موخوش ليله  
بويه          بويه
---------------------------

للعيون    شحطن  
اذا رادن علي ومبعد عليه
يموتون       الولاد  
وحگك زينب ابنيتك خطيه


بويه المناشغ جزه الجيران
وعويلك معودهم احنان
فرهدو خبزتنه الچبيره
وحلت مصيبه إعله ال عدنان

چاه بعد وين عيوني تلگاك    بويه
العدله كون نموت وياك        بويه
كاتلني دلالي بعويله
والليله ابد موخوش ليله
---------------------------

اجه الليل       والفراگ
مايرحمني ويهديلي بالي
متت كون       ولا شوف
إمچانك يل حنين اليوم خالي

گًِطعو الهوه ولانهتم إحنه
افراگك علي يخنگنه كلنه
راس العشيره الليله مطبور
ونگطعت علينه المحنه

من فدوه اروح إلماي عيناك    بويه
العدله كون نموت وياك        بويه

ميت وصيحن يادخيله
والليله ابد موخوش ليله
---------------------------

تره العيد          للعزاز
يلم كل الاهل ندري بصباحه
گبل چان         يگعدون
اخوتي . وحس بل گعده راحه

هو الحچي ياناس شيفيد
تخنگني ياصبحية العيد
تدرون شنهي إيطلع الروح
لمن تفارگ ناس إجاويد

مشلوع گلبي وحيره شنگول       بويه
لاسامح الله افراگك يطول        بويه
بينت هل فرگه طويله
والليله ابد مو خوش ليله

---------------------------

سلامات         يگلبي
راح الچان عايش وسط الضلوع
صفينه           وبچينه 
بس إصورهم بحضني والدموع

طلعت مگابل بيه الاسهام
شتسوي اذا فاگدلك احزام 
وَأتگابل ويه الصوره مرات
تغفه الصور بس انه مانام

هديت چفك والعمر ضاع         بويه
مالت شبگ مو مالت اوداع     بويه

نعمه الصور صارت وسيله
والليله ابد موخوش ليله

---------------------------

دللول         دللول
عوافي تغطه وسط ارويحتي وعيش
يمدلول       يمدلول
يَمْفلش الروح عليك تفليش

بس انت محد جاس گلبي
وضيعت شوفي وضاع دربي
احسلي اموتن خاطر ارتاح
ويلاه اتلاحگني يربي

آخر حجايه أحجيهه ورتاح       بويه
مو سيف بس الهجر ذباح         بويه

موجود ربي ونشتكيله
والليله ابد موخوش ليله

----------------------
المخلص  علي مالك

0:00 الله يساعدني
1:09 للعيون شحطن
3:32 اجه الليل والفراك
5:40 تره العيد للعزاز
6:34 بوية بوية
7:53 مشلوع گلبي
9:02 سلامات يگلبي
11:26 دللول دللول