Amjad Jomaa - Kamin (Official Music Video) | أمجد جمعة - كمين

Amjad Jomaa - Kamin (Official Music Video) | أمجد جمعة - كمين

Subscribe to Amjad's channel here:
https://www.youtube.com/channel/UCBs5cNvb-SHOLPNYHqVxAiw

Lyricist & Composer: Amjad Jomaa
Music arrangement: Ahmed Jomaa
Mixing and mastering: Ahmed Jomaa
Director: @advkiki
AI Visuals & Edit: @advkiki
Creative Director: Adham Jomaa
Project Manager: Anas Hourani
Managed by: DMS Group

Management: +971505653938

Lyrics | كلمات

هدوء
خايف من الهدوء
ما بتطمّن ولا برتاح لما الجو يروق
متعوّد اغفى عالقصف
مش عَ يلا تنام
واوعى عَ دخان الشارع المحروق
كَمين
متأكد في كَمين
سألني إلي عندي خبرة سنين
خبرة لا تقل عن عمري
من لمّا خلقت بدري
بتنفّس دخان الحرب
منكّه بالياسمين
ربيان بحيّ ما في واحد غيري حيّ
بنوّم حالي لمّا جوع
وبس تشتّي بشرب ميّ
بغفى بالشمس
ببرد بالفيّ
ولمّا تباغتني الشظايا
بكوي جرحي كيّ

هيك عوّدوني
يلّي متلي ما خلقوا ليحلموا
ولا يطمحوا ويتعلّموا
يلّي متلي خلقوا بس ليعرفوا
لمّا يهبط السقف كيف بيحتموا
وعلّموني ,, يلّي متلي بالدنيا صفر عالشمال
وإنه كل العمر محظور التجوال
فطبيعي خاف من الهدوء
ويتشكّل براسي مليون سؤال

خدني
عشي محل ما فيه هدنة
سمّعني صوت رصاص
أصوات الحرب بتشدّني
والسلام مش لأشكالي
حلمي مهما سقفه عالي
مصيره يهبط بهاون
مسألة وقت وليالي
عطريق الهجرة ماتوا كل أصحابي
وهدّوا بيتي
ما ضل حجرة تحكي عن شبابي
وشوّهوا أحلامي
يا عينيّي نامي
واحلمي يعود الزمان
وابكي عَ شبابي
كاتب أحلامي عالحيط بنقط دم
هيهات الشمل يا يامو يلتم
كان الحلم عيلة ابني
بأرض الوطن ربّي ابني
كذاب يلي قلَي الدنيا أمّ

هيك عوّدوني
يلّي متلي ما خلقوا ليحلموا
ولا يطمحوا ويتعلّموا
يلّي متلي خلقوا بس ليعرفوا
لمّا يهبط السقف كيف بيحتموا
وعلّموني ,, يلّي متلي بالدنيا صفر عالشمال
وإنه كل العمر محظور التجوال
فطبيعي خاف من الهدوء
ويتشكّل براسي مليون سؤال


بالختام
من حقي عيش بسلام
واشعر لَنّو مَرّة إني حُرّ وبعدها نام
يبدو إنه الإنسانيّة
إلها علاقة بالجنسيّة
ومذهبي يلّي عالهويّة
ممكن يحكمني إعدام
بالختام
من حقي أعيش بسلام
واشعر لَنّو مَرّة إنّي حُرّ وبعدها نام
أول ما عرفوا جنسيتي
رفضوني وكسروا لي هويتي
وجبروني أعبر تهريب
واتعتّر بين الألغام

♪Listen to Amjad Jomaa on the digital platforms:
https://amjadjomaa.lnk.to/Platforms

Follow Amjad Jomaa on social media:
Instagram: https://www.instagram.com/amjadjomaaa
Facebook: https://www.facebook.com/amjadjomaaofficial
TikTok: https://www.tiktok.com/@amjadjomaaa

© Digital Distribution: http://www.youtube.com/@ChabakaOfficial
https://chabaka.bio.to/Contactus

#Amjad_Jomaa
#Kamin
#كمين