يوسف الزهرة | عبدالمحسن العمراني | مولد الإمام المهدي عج | 2026

[ يوسف الزهرة ]

الرادود | عبدالمحسن العمراني
الشاعر | عبدالله السقاي

مونتاج وإخراج | حسن العوامي

يُهدى هذا العمل إلى روح المرحومة | فاطمة العمراني وإلى ارواح المؤمنين والمؤمنات

————————————————————————

مهدي .. أهلاً يموعود
مهدي .. ننتظرك اِتعود
•••
١
موعدنه: مُنتصف .. شعبانك والشرّف
تختصره الولاده
يتنوَّر هالنّظَر .. مِن يِكمَل هالگُمَر
تغمرنه السعاده
.
ندعي الله اِيعجّل اِبأمرك .. واِحنه ننتظرك
يا وعَد ربنه
واِحنه ندري فكرك اُويانه .. حاشى تنسانه
تعلم اِبحُبنه
إرجع اِرجع لليحبّونك .. واليندبونك
لا تعذّبنه
مانريد ابهالعمر غيرك .. نرتجي خيرك
وانتَ مطلبنه
.
مهدي .. ويّانه موجود
مهدي .. ننتظرك اِتعود
•••
من ندعي بالعهد .. يتجدد هالوعد
كل صبح اِلغيابك
دعوتنه نحضرك .. واِبكل شي ننصرك
خدّام اِعله بابك
.

رجِّع اِلـ يعگوب أنظاره .. عطرك اِبشاره
وْيحيي كل مُهجه
واليشوفك تكمل اَعياده .. وْياخذ اِمراده
يْجاور الحُجّه
والمُحب لو خلصت اَيّامه .. يرسم اَحلامه
بصحبتك ينجىٰ
والأجل عنك فلَـ اِيمنعه .. عالَم الرجعه
للمحُب ملجه
.
مهدي .. بالمُلتقى جود
مهدي .. ننتظرك اِتعود
•••
٣
مهدينه المنتظر .. نتّبَّع كل أثر
للطلعه البهيّه
ويوميّه بالأمل .. نهتفلك بالعجل
وْنرسل لك تحيّه
.
يمته ترجع يوسف الزّهره .. كلها منتظره
تنقذ الأُمّه
يمته يهنىٰ اِبنورك الناظر .. طلعتك باچر
للبشر رحمه
يمته بعد النُّدبه كل جُمعه .. نمسح الدمعه
ونرسم البسمه
عجل اللهم باِظهورك . من يشع نورك
تنجلي الظلمه
.
مهدي .. نوّرت اِلِوْجود
مهدي .. ننتظرك اِتعود
•••