ماجد الرسلاني - يانصر والله نحبك (حصرياً) 2026

لمتابعة الفنان ماجد الرسلاني عبرالصفحات الإجتماعية والموسيقية :
https://alfan.link/MajedAlrslani

ماجد الرسلاني - يانصر والله نحبك (حصرياً) 2026

كلمات الشاعر : فايز الرسلاني
توزيع ومكس : اذواق الفن
تصميم : محمد الشمري

الكلمات :
يانصر وشلون اببدا فيك قلي
في هوانا وش اقول وش اخلي
انت حب العمر وانت العمر كله
وانت روحي وانت شمسي وانت ظلي

اصفر وازرق على الدنيا رسمته
كل مجدٍ قبل لانطلبه سمته
في يمينك تاخذ الالقاب دايم
واللقب فيك يتشرف لاحسمته

مايليق الفوز الا فيك والله
انت فارس نجد وانت المجد كله
كل ماطلت على الدنيا شموسك
الفرح فالارض ظللنا بظله

ماتعكر جوك ان كثرت خصومك
كل مازادوا يصير اليوم يومك
العب وسجل ومتع من يحبك
ولو اخذت قلوبنا محدٍ يلومك

كل عاصي لابدت هيبتك طاعك
والرياح تهب في مشهى شراعك
يوم غيرك ياخذ امجاده بغيره
انت تاخذ مجدك بسطوة ذراعك

انت فيك اسم النصر لايق وزاهي
ولونك الاصفر على التاريخ باهي
ايه احبك وانت يانصري يحبك
النشاما والصناديد الدواهي

فكل بيت وكل دار وكل ديره
في قلوب الناس لك قصه وسيره
مايبين الليل دام النصر يلعب
نور شمسه فالجماهير الغفيره

اوه يانصر البطوله و التحدي
من يحبك قال انا مافيه قدي
كل جمهورك على اخصامك تردد
ماتعدي ماتعدي ماتعدي

ناخذ الدوري وناخذ مابغينا
ونحمد الله مالحد منه علينا
ما اخذنا من يدين الناس حاجه
ماخذين اللي اخذنا في يدينا

استريحوا لاطرى للنصر طاري
مايجارينا على الاول مجاري
فارسك يانجد مايكبو جواده
فارسك للفوز و الامجاد ضاري

شرّف التاريخ في اسمك وزيده
وعاند الليا بانت الروس العنيده
وخل كل نصراوي بشوفك يعيّد
انت فرحه وانت نصره وانت عيده

يانصر من حبك ومن زود حبك
يانصر ندعي عسى ينصرك ربك
يانصر والله معك دايم نردد
يانصر والله نحبك
يانصر والله نحبك