اجهزة الجيوب - خالد ال بريك - عبدالرحمن مدغم - يالله بنو يجعل الارصاد في وضع انهزام 2026

ضع لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" لمتابعة شيلات الروقي عبر السناب "

https://www.snapchat.com/add/u511



البـارحـه هـبّـت عـليّ الـنود في روس الـعـدام
اللي خـذتـني مـن جـروحٍ ماتـطـيب اعـلولـهـا

يـاهـل العـيون الساهره ودّي بـ راحه وانسجام
في ليـلةٍ تـرخي عـلى صـدر الحـزيـن اسدولهـا

والجـادل اللي ماتـشـاف إلا على وقـت الـدوام
اللّي جذبني صيت ابوهـا عرض الارض وطـولها

ي ام العيّـون النـاعسات الحـور يـاذات القـوام
انا يـدينـي دون وصـلگ ،،،، ماقـصـر مبـذولـها

لاجيـت اسلّـم گـل مـرّه ،،،،،،، لاتـردّيـن السـلآم
لن السـلآمه مـن سـلآمـگ مستـحـيل انـولـهـا

يا لـوف قلـب اللّي شگا گبْت المشاعر والغرام
مثـل النصيّـه …. گـل مـالاف الهـوا سمـلولـها

ي الله بـ نـوٍ يجعـل الارصـاد فـي وضـع انهـزام
برقـه يـردّد گـل مشـعـوفـه … عـلى زعجـولـها

والبـل تـداحم واگثر الحيـران ماتـوحي الـرزام
هـدرَه على گبـد السماء گـنّـه هـديـر فحولـها

مـخايّـلٍ تجـعل خـريش اللـيل يبـطي مـاينـام
جـات الجـنوب اللّـي يـطـرّى وانفـرَا همـلولها

لاصاحت اجهزة الجيوب الشهب وانقاد الظلام
مافيـه ديره من بعـدهـا ،،،، ماتسـيل اسيّـولـها

الـديرة اللـي تسـتحق الخير مـن بطن الغـمـام
عـقب المـطر محدٍ يعـاف اجـبالهـا واسهـولها

اللّي قضَـب راس الرسـن واللّي تحـزّم بـ الحزام
واهل الـزمول المنـتجه قـامت تفـگ ازمولـهـا

بـدوٍّ غـلاء ذيـدانهم ( مسگ البداية والـختام )
اليّـا شعَـفها صـوت اهلـها گـل مـاصاحـو لهـا

هـذي طـراةٍ تجـعـل المـليّـون مايـسـوا جـرام
لو گـان اسـافـر تـرگيّـا واعيـش فـ اسطـمبولها

ياهـاجس الشعـر الحقـيـقي لاتلَـحقني مـلآآآم
عـندي بيـوتٍ من خـفـاها .. مـاقدرت اقـولـها

مانيب فاضي لـ الذنوب اللي بعد شهـر الصيّام
والنـاس قـدّ الحـافها دااايّـم تمـدّ ؟ ارجـولهـا

ان گان سـاحات الشعر تحتـاج بعض الاهـتمام
والله " وانا ابو مدغـم " انّـي لاخـدَم مرسـولهـا

هـذا وعمـري ماتجـاوز خمـسة وعشريـن عـآم
اگثـر فـطاحلة الشـعر ,, منّي تشـوف اذهـولهـا

لابـارت عـزوم الشجـاع وقيل وين اهل المـهام
عـقّـب صـبيٍّ مـايـشـوش ولا يشـيل احمـولهـا

عيني على گبد السماء واخطاي تمشي لـ الامام
والـناس مـانيب اتحـرّا ،، وش تـقـول اخبـولـها

احترت من ضغط الظروف العوج واعلنت السلام
اللّـي عـلى عـثـرآآآتـنـا داآآيّـم تـدق اطـبـولـهـا

وانا من ضغـوط الزمـان اعيش في وضع انتقام
المشـگله گـبَـرت عـلي ولا لـقيـت احـلـولهـا

وشلون ابقنـع من يقـول الرزق فـ المآل الحرآم
النـاس تـبغـا مـن يـخـاطبـهـا بـ قـدّ اعـقولهـا

ليت الصـراحه يوم جتني بـ المشاگل و الزحـام
ماتجـعل نفوس العـرب مثـل السنه وافصولها

وانا ليّـا اعـطيـت المعـزّه ،،، يـاسلآم الله سـلآم
لو گان يَـبْطل { سحـر هـآري } مابطل مفعولها

تـرا القصـيده فـ { المليـفاني } لها وزن ومـقام
رعبـوبـةٍ قامـت عـلى ذگـره .. تـفـلّ اجـدولهـا

اليّا تـگلّـم يعـطي المـوضـوع هـيبة واحـترآآآم
والـگلمـه اللّـي ماتـجـمّل مستـحـيل ايقـولهـا

هـذا الگريـم اللّي تسـلسل من رياجيـلٍ گـرام
{ خـزاين الامـوال } عـنـده مايـصگ اقـفـولهـا

من مدرسة شعري ي ابو مروان يزهاگ الوسام
تستاهـل خيّـار المدايّح ،، خل عنـگ اسمـولها

ياطيـب ساسگ يامحمد من خوال ومن عـمَام
الساس طيّـب ،، والصـعاب اتقـولها وتطـولـها

والعـالم اللي مـرجـلتهم بـ السـوالـف والگلآم
ماهـيب حولـگ ياولـد عـاضه ولانت ابـ حولها

مقـدم ذوّي ملفي حمول الخيل لاثـار الـعسام
اللّـي تحـذف الروس دايّم في مداس خـيّولهـا

ذخـر الشـلاوى و الشـلاوى في جهل ولا سـلآم
العـزوه اللّـي يـرسـم الامجـاد طيـب افعـولهـا

اهل الـظفر روس الـرجال اللي تظيـم ولا تظام
امجـادهم تفـحم عيّـااال القـوم ماوصـلو لهـا

ان حـاربو .. مـثل السيوف اللّي يقصّن العظام
وان سالمو .. مثـل المـزون اللي تهـلّ اثعـولها

بـلحارث الاسـم الشهير اللي مثل حدّ الحسام
قـبيلةٍ ،،،،، يسـتسلـم الـتاريـخ قـدم ازحـولهـا

والحـارثي لافـاحـت الـدلّـه وزانـت بـ الـتمـام
يسـتاهـل الـفنـجال الاول .. يـوم يِدْرَج دولـها

عبدالرحمن بن مدغم ):