കഴിവിനെ പ്രോത്സാഹിപ്പിക്കേണ്ടവർ തന്നെ അതിന് വിലങ്ങുതടിയാകുമ്പോൾ... #KeepSupporting #maranchery

2006–2007 കാലഘട്ടത്തിൽ മാറഞ്ചേരി മുക്കാല സ്കൂളിൽ പ്ലസ് വൺ, പ്ലസ് ടൂ പഠിച്ച ഒരു മുൻവിദ്യാർത്ഥി എന്ന നിലയിൽ, അന്നത്തെ അനുഭവങ്ങളെക്കുറിച്ച് എനിക്ക് പറയാനുണ്ട്. അന്ന് ഇയാൾ ഞങ്ങളുടെ ക്ലാസ് ടീച്ചറായിരുന്നു. അന്നൊക്കെ വളരെ ക്രൂരമായ രീതിയിലും മോശമായ രീതിയിലും ഒക്കെയാണ് ഈയാൾ ഞങ്ങളോട് പെരുമാറിയിട്ടുണ്ടായിരുന്നത്. അന്നത്തെ ആ അനുഭവങ്ങൾ ഇന്നും മറക്കാനാവാത്തതാണ്. പിന്നെ വർഷങ്ങൾക്ക് ശേഷം ഇയാൾക്ക് ഏറ്റവും നല്ല അധ്യാപകനുള്ള അവാർഡൊക്കെ കിട്ടിയെന്ന് കേട്ടപ്പോൾ അൽഭുതപ്പെട്ട് പോയിട്ടുണ്ട്. അന്നൊക്കെ സോഷ്യൽ മീഡിയ ഇന്നത്തെ പോലെ സജീവമായിരുന്നില്ല. അതുകൊണ്ട് പല പരാതികളും പൊതുസമൂഹത്തിന്റെ ശ്രദ്ധയിൽ എത്തിയിരുന്നില്ല.
ഇന്ന് പുറത്തുവന്ന ഈ വീഡിയോ കണ്ടപ്പോൾ പഴയ അനുഭവങ്ങൾ വീണ്ടും ഓർമ്മ വന്നു. അതിനാൽ ഈ സംഭവവും ബന്ധപ്പെട്ട വ്യക്തിയുടെ പ്രവർത്തനങ്ങളും നിഷ്പക്ഷമായും സുതാര്യമായും അന്വേഷിക്കണമെന്ന് ഞാൻ ആവശ്യപ്പെടുന്നു. വീഡിയോയിലെ സംഭവത്തിന്റെ യാഥാർത്ഥ്യം കണ്ടെത്തുകയും, അദ്ദേഹത്തിന്റെ കീഴിൽ പഠിച്ചിട്ടുള്ള വിദ്യാർത്ഥികളോടോ മറ്റാരോടെയെങ്കിലും അനുചിതമായ പെരുമാറ്റമോ അധികാരദുരുപയോഗമോ നടന്നിട്ടുണ്ടെന്ന പരാതികൾ ഉണ്ടെങ്കിൽ അവയും സമഗ്രമായി പരിശോധിച്ച്, തെളിവുകളുടെ അടിസ്ഥാനത്തിൽ ആവശ്യമായ നിയമനടപടികൾ സ്വീകരിക്കണം.
അതോടൊപ്പം, മുൻവിദ്യാർത്ഥികളുടെയും രക്ഷിതാക്കളുടെയും പരാതികളോ അനുഭവങ്ങളോ ഉണ്ടെങ്കിൽ അവയും ബന്ധപ്പെട്ട അധികാരികൾ ഗൗരവത്തോടെ പരിശോധിക്കണം. വിദ്യാഭ്യാസ സ്ഥാപനങ്ങൾ വിദ്യാർത്ഥികൾക്ക് സുരക്ഷിതവും മാന്യവുമായ അന്തരീക്ഷം ഉറപ്പാക്കേണ്ട ഇടങ്ങളാണ്. അതിനാൽ സത്യാവസ്ഥ പുറത്തുകൊണ്ടുവരാൻ സമഗ്രമായ അന്വേഷണം നടത്തണമെന്നാണ് എന്റെ ആവശ്യം.