يامداهيل صدري & خالد ال بريك - اتلهوى مع اشغالي بكثر المكده 2026

ضع لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

شيلة بمناسبة زواج :
أحمد بن عبدالعالي بن مضحي العضياني


يا مداهيل صدري ما بقى لي موده
ضاقت النفس من كثر العنا والعزاير

دمعي الي يكض العين وشلون ارده
لا تغارب مطيحه فوق جنحان طاير

اتلهوى مع اشغالي بكثر المكده
ودي اسلى وانا كبدي تزوع المراير

لا انقضى يومٍ من العمر ما عاد اعده
ما معي صبر اجاري فيه سود الضماير

من ورث طيب ابوه ومن ورث طيب جده
ما يبوق العهود ولا يبيح السراير

سلطان بن بشيّر

الشدايد تبيّن محتمين الاشده
والمواقيف ينطحها زبون الخساير

مايغيض الوجيه المبغضه و المصدّه
غير فعلً يولع ف القلوب السعاير

ودك ان الولد لا عدو القوم عده
يلكد الخيل لين يرد سهف العشاير

التواريخ ماترحم كبير المخدّه
كان مايرتكي للحمل والحمل جاير

وانت يا احمد مقامك كل علمً يسدّه
لو يجور الزمان ولو تدور الدواير

سلطان الحويقل

النشاما لهم هومة وهمّه وهدة
ما تطيح العزايم لو تطيح العماير

حي من ينعرف فعله وجدة وعدة
كل طيب على مدحة نسوق البشاير

وانت شوق الهنوف اللي شعرها تكده
ما تلد النظر فـ اطيب شيوخ العشاير

يا ولد شايبٍ ما بيّح الوقت سدة
لو تبيح السدود اللي بكل الضماير

مستحيل ايتردى لو ظروفه تحدة
عنده ان الردى مثل الذنوب الكباير

عناد الشيباني

راسه المعتلي ماينقصر دون وده
ذاخرينه مثل مايذخرون الذخاير

من يبي النعم والناموس محدً يرده
والكفو لو يبور الوقت ماهوب باير

ياولد روق دام المدح .. قدك وقده
البس البشت وابشر بالقصيد المغاير

ربعك اللي ترد المعتدي عند حده "
كم شجاعً يشوف الموت ويروح ناير

يوم دبك الخيول ويوم قبس ام خده
فعلهم يتم اللي في بطون الحراير "


صنهات حشر

عزوة الاد عاضي شجرتن مستمدة
طيبين السلوم وثابتين السواير

من عتيبة هل الي يقطع الراس حده
يوم بقعى تلوى في ظهور الحراير

مجدهم ضلع ماهو عبلتن مجرهدة
والبحر يصطفق والعد ماهوب غاير

فزعتن للرفيق ان صار بالوقت شده
عن ضروف الزمان وعن كبار الجواير

لاتعلوا مهارن للوغى مستعدة
كم عدون على راسه تجر الجراير

عبدالكريم البدراني