اللكزس & خالد ال بريك - ودك انه مايفك الباب لـ جاه ب يساره 2026

ضع لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" لمتابعة شيلات الروقي عبر السناب "

https://www.snapchat.com/add/u511a



تو استوى بدع القصيد اللي على حلك الظلام
وجاوبت صوتً في عموق الصدر جايً له صدى

ماهيب قصة عشق لا والله ولا قصة غرام
ولا هيب قصة طيرً يتل المشاعر لا شدا

المدح لايق لـ الكريم ابن الكريم ابن الكرام
اللي على دربه يتعّب بالمراجل من عدا

من روس ربعه يومها بين المشوك والحسام
ابك الحوامى يزرعون الخوف ف قلوب العدا

ذوي مفرج حقهم ثابت ولا حوله كلام
دون المطارق يحتمون الذود وتروح عقدا

لاد النفيعي عزوتن ماهيب من خلقة تضام
أمجادهم ماهيب حي الله ولا راحت سدا

عتيبه الهيلا ملوك المجد من قبل النظام
المجد ياعالم مع العتبان هيمن و ابتدا


القصيده :

راكب اللي كل موتر لا مشى غير مساره
يعطي السواق من فوق التغرطس معنويه

مايسوقه غير قرمً ممتلي راسه نعاره
جعل يفداه البخيل اللي يفر القادسيه

ودك انه مايفك الباب ل جاه ب يساره
وودك العسكر ليا شافوه دقوا له تحيه

منوة اللي مبعده حظه و وقته عن دياره
له ثلاث سنين ماشافوه في نجد العذيه

ومنوة اللي من همومه كل مافكك زراره
لا عطاه تقول حرً مايبا طيحة خويه

عند شكمانه لا وقف تقدر تشب الزقاره
وعند صدامه تشوف الناس حولك عايديه

لكزسً حطوا علامة صح في هيبة شعاره
عالمي ومواصفاته كل ابوها عالميه

نصه لحفلً تقلط فيه شيخان الاماره
الشيوخ اهل الاشده واليمن الحاتميه

ايه ياصنيتان اخوك الليل مارد اعتباره
احتزم بي واترك الباقي وانا محمد عليه

وخالد اخوك يتلهب دون ميقافك شناره
يهبد الارض وتبرأ من حدود الجاذبيه

انسف المشلح وشب النار في راس المناره
من مخابينا تبجح ماكسبناها عطيه

ياولد منصور والحر ان كفخ رهن الاشاره
والاشاره عند عود ً ممتلي راسه حميه

ايه ابوي اللي ماحط لمجلسه وقت وزياره
باب بيته مايسكر لا صباح ولا عشيه

دم راسه يطبخ بين الحميا والسطاره
لا وقف قدام ربعه حط ذيه فوق ذيه

ياسمي العود جدك لا غدا للوقت غاره
وش يردك لا تبجح واتفاخر ياسميه

جدك اللي تستمد الناس من هيبة وقاره
راعي حجاجً طليق وراعي كفوفً نديه

وانت ياعز الرفيق اللي يماري ب افتخاره
وانت ياعلة قلوب العالم السود الرديه

وانت ماتحسب حساب اللي يفكر فالخساره
وانت عندك لا بلشنا تسهل أمور القضيه

انت ياصنيتان بلحالك تبجح ف الصداره
طوع الراس العنيد وناطح الروس القويه