عادتك الاحسان | محمد باقر الخاقاني

عادتك الإحسان
يا ماي بعدك نشربه يا ماي

أداء: الملا #محمد_باقر_الخاقاني
كلمات: الشاعر #الميرزا_عادل_أشكناني

مجالس شهر محرم الحرام لسنة 1448 هـ - 2026 م
ليالي العشرة الأولى من شهر المحرم
عزاء حسينية غريب طوس عليه السلام - العراق - البصرة

مونتاج وتنفيذ: إعلام الموكب

اللَّهُمَّ عَجِّلْ لِوَلِيِّكَ الفَرَجْ

00:00 المقدمة
00:27 يا ماي بعدك نشربه ياماي
01:44 تستغفر لأمثالي بأحسانك
02:02 تاخذ إساءة احسان تنطيني
02:21 أكو خادم لاجن يزل واكو خادم باستقامة
05:17 يا مدمع اليوفيك يا مدمع
05:35 لي هسَّا خيرك تارس چفوفي
05:54 مو فقط بلساني شكرا
08:55 كل عين كون دموم تتفجر
09:17 تشوف الكمر عالشاطي متواري
09:55 من أدب ساقي العطاشى الناس تتعلَّم أدبها


القصيدة مكتوبة كاملة :

يا ماي بعدك نشربه ياماي .. وانتَ يا مولاي
عالثَّرى ** تنادي يجدِّي العطش فتِّ حشاي .. و ونَّتك بهداي
ولا خجل** روج النهر لي هسَّا رايح جاي .. يا رخص دنياي
العلگمي العذب كونه علگم

تستغفر لأمثالي بأحسانك
مولاي و انتَ يابس لسانك
يا مكثر سهامك و اجه يكمّلها ذنبي
أكو خادم لاچن يزِل واكو خادم بأستقامة

تاخذ إساءة احسان تنطيني
و أدري المعاصي لوِّثت طيني
و خوفي الذنب يبعدني عنّك تالي دربي

أكو خادم لاچن يزِل واكو خادم بأستقامة
أكو من يدعي لإمامه و أكو اليدعي له إمامه
أكو مثلي , و أكو مثل الصَّائِدي أبُو ثُمامه
لحظة ما ضيَّع صَلاته حتـى لا يضيِّع غرامه

گلبه ويّ الآذان .. و هوَّ بگلبه السهم
و المثلي الغرگـان .. مد لك إيد الندم
و حاشا تـرد يمناي .. فأنْتَ يا مَوْلاي
[ عادَتُكَ الإحْسَانْ .. وَ سَجِيَّتُكَ الكَرَمْ ]

اجعَلْ قَليلي هواي .. فأنْتَ يا مَوْلايْ
[ عادَتُكَ الإحْسَانْ .. وَ سَجِيَّتُكَ الكَرَمْ ]


ـــــــــــــــــــــــــــــــــــــ

يا ماي بعدك نشربه ياماي .. و انتَ يا مولاي
من الرَّمل ** مجمِّع وسادة و الرَّمل چـــوّاي .. من عمت عيناي
بالشَّمس ** و غير الخيول عليك ماكو فياي .. شلون ابطل بچاي
و ما أوفي لو أبچي من دم

يا مدمع اليوفيك يا مدمع
تلملم شتاتي و جسمك موزَّع
المثلي فلا عنده عذر و يگول عُذراً

لي هسَّا خيرك تارس چفوفي
شكرًا الك مولاي ما توفي
و چلمة الـ " شُكرًا " هيَّ هم تحتاج شُكراً


مو فقط بلساني شكرًا , شكرًا بكل الجوارح
شكرًا بغضِّ البصر لعيوني ودموعي السوافح
شكرًا بسدِّ المسامع - إلّا عن صوت النوايح
أشكرك حتّى بخيالي بغيرك الما يوم سارح

راسك عالمُرَّان .. و نحرك ينزف نعم
حنَّان و مَنَّان .. حتّى بحرگ الخيم
ولا عجب من هاي .. فأنتَ يا مولاي
[ عادَتُكَ الإحْسَانْ .. وَ سَجِيَّتُكَ الكَرَمْ ]

اجعَلْ قَليلي هواي .. فأنْتَ يا مَوْلايْ
[ عادَتُكَ الإحْسَانْ .. وَ سَجِيَّتُكَ الكَرَمْ ]


ـــــــــــــــــــــــــــــــــــــ

يا ماي بعدك نشربه ياماي .. و انت يا مولاي
بالعطش ** و شفاك ما تتلاگى هاي و هاي .. و آنا ابِـلِّ شفاي
و النهر ** انطاني سِگا و منكم أخذ سگّاي .. و زينب بلا راي
و خيَّم المسا بلا مخيَّم

كل عين كون دموم تتفجَّر
و إختك يحبل الله بحبل تنجر
يمرّون بيها على النّهر وتشوف مايه

تشوف الگمر عالشاطي متواري
عباس راكد و النهر جاري
وهوَّ الفرات الواقعي اليروي الظمايا


من أدب ساقي العطاشى الناس تتعلَّم أدبها
دومه مستحضرك يَمَّه و رفعته هاذي سببها
من نزل ماي الشريعة شلون بأفكاره حسبها
چانت الشربه مُباحة و اغترفها و ما شربها

اليـدوِّر عرفان .. بس عند راعي العلم
و من جود العطشان .. رايد غرفة شيم
إسگیني أدب مو ماي .. فأنْتَ يا مَوْلايْ
[ عادَتُكَ الإحْسَانْ .. وَ سَجِيَّتُكَ الكَرَمْ ]

اجعَلْ قَليلي هواي .. فأنْتَ يا مَوْلايْ
[ عادَتُكَ الإحْسَانْ .. وَ سَجِيَّتُكَ الكَرَمْ ]


ـــــــــــــــــــــــــــــــــــــ

للإستماع على المنصات الصوتية على الرابط التالي
http://l.bayat.me/JvqRPOrp

جميع الحقوق محفوظة للقناة الرسمية للرادود الحسيني الملا محمد باقر الخاقاني على اليوتيوب

@MajalesAlKhaqani

*للتواصل مع الحسابات الرسمية للرادود الحسيني الملا محمد باقر الخاقاني:*

*Youtube* :
https://www.youtube.com/c/mbalkhaqani

*facebook* :
https://www.facebook.com/mbk1440/

*instagram* :
https://www.instagram.com/mejales_alkhaqani/

*telegram* :
https://telegram.me/MajalesAlKhaqani

*Tiktok:*
https://www.tiktok.com/@mbalkhaqani

*WhatsApp channel:* https://whatsapp.com/channel/0029VacAhrdLNSZwELxMVn3Q

عادتك الاحسان
عادتك الإحسان
عادتك الأحسان