يمه اكعديلي | التموت امة بالنفس شلة || #مدين_العياشي

1:03 ييمه عليج الحسين وعليج انه تفتحين الگبر
3:30 تره اخطر عرضه للموت الفكد امه
5:15 صباح الخير ماتت يمه من متي
7:43 بعد ياهي التكلي شصرتي وشلونج
10:16 التموت امه اعله جفه بالنفس شله

_ كلمات || علي هادي الخزعلي
_ هيئة المسبية الشامخة

ندعوكم للانضمام إلى قناتنا الرسمية، حيث نبذل قصارى جهدنا لإنتاج محتوى قيم ومؤثر يليق بكم. نقدر دعمكم المستمر ووقوفكم إلى جانبنا، ونعدكم بأن نواصل تقديم محتوى استثنائي يستحق المشاهدة والتفاعل. شكرًا لكل من يسهم في رحلتنا.

الحسابات الرسمية لخادم الامام الرضا (ع) مدين العياشي

- YouTube: https://www.youtube.com/@madyanalayashi
- Facebook: https://www.facebook.com/100063816665592
- Instagram: https://instagram.com/madyan_al_eyashy
- TikTok: https://www.tiktok.com/@madyan_ayachi
- Telegram: https://t.me/madyan313



يمه اكعديلي.. طاحت اعيوني عليج
والله لو بيدي.. امن الگبر يمه اشتريج
اجنازتج طلعت ..لو روحي طلعت
زينب اتريدچ .. امن الچفن طلعي اديج
——————
ييمه اعليچ الحسين وعليچ انه
تفتحين الچفن تمشين ويانه
فرگتچ هدمّت بيتي اعله بنيانه
التموت امه اشينقذه غير دفانه

غمّضت عينچ ..وما غمض جفني بوراچ
چلبت بيدچ ..بس اجه الموت وخذاچ
والاخذ روحچ ..ما اخذ روحي
يسحن بگلبي.. يم حسن حافر جفاچ
—————

تره اخطر عرضه للموت الفگد امة
ولو جاب الشمس للبيت هم ظلمة
يكون الام گلب وبصدرك  اتظمة
وتره الوالدتة يمه محد ايهظمة

يمه رديلي.. عيشتي بدونچ ممات
يالكسرتيني …موتتي بصفچ حياة
شمعة حياتي ..انتي وطفوها
انه عاطشتچ.. وما يرويني الفرات
—————-

صباح الخير ماتت يمه من متي
طوايف طيحيت اعليچ من رحتي
ما مقتنعه هاي البلگبر انتي
هاي البلگبر مدفونة سالفتي

راح احط خدي.. اعله الگبر واغفه بعذاب
وانتي لوليلي ..يمه هزيلي التراب
انه متعوده… يمه اعله حظنچ
نگّعت گبرج …والدمع زخة سحاب
——————
بعد ياهي التگلي شصرتي وشلونچ
صرت عود وتكسرة الريح من دونچ
الف مليار واحد ما يعوضونچ
ما صارن زرگ لو ما سمه اجفونچ

رحتي مسطورة .. والجفن ازرگ حرام
التنسطر عينه .. ما يغمض من ينام
من بعد عينچ ..ما صحت عيني
لا عشت بعدچ.. اوياچ اموتن والسلام
—————-
التموت امة اعله چفة بالنِفس شلّة
يظل عايش ولكن يندفن كلّة
التكسر ظهرة والدتة انكسر ظلّة
وتظل علّة توشلة تذبه عالعلّة

يمة يالزهرة ..يا نبع نبع الحنان
بالگبر دوري  ..لزينبچ مامش مچان
اندفن  يمچ  ..امنيتي هايه
باچر اعليه.. يندفع باب الزمان
—————-
علي هادي الخزعلي


1:03 ييمه عليج الحسين وعليج انه
3:30 تره اخطر عرضه للموت الفكد امه
5:15 صباح الخير ماتت يمه من متي
7:43 بعد ياهي التكلي شصرتي وشلونج
10:16 التموت امه اعله جفه بالنفس شله